Од третиот барабан Македонија чека противници по мерка

Сигурно ривали нема да бидат само Белорусија, Унгарија и Полска, селекции со кои „црвено-жолтите“ се во третата рејтинг-група за ждрепката.

Според процедурата, при ждребувањето 16. репрезентации што ќе настапат на завршницата во јануари в година ќе бидат поделени во четири групи со по четири селекции што ќе играат за пласман во главната фаза. Првите три од секоја група продолжуваат понатаму.

Она што е познато е дека Данска своите мечеви ќе ги игра во Хернинг, каде што ќе се игра и финалето, а другите три групи ќе се играат во Kопенхаген, Олборг и Орхус.

На ЕП ќе има четири репрезентации од бившите простори на СФРЈ, Македонија, Србија, Хрватска и Црна Гора, но и четири од Скандинавија, Шведска, Норвешка, Данска и од Исланд.

Првпат на ЕП нема да играат Германците.

Во првиот рејтинг-барабан се најдоа: Данска, Србија, Хрватска и Шпанија. Во вториот се: Чешка, Исланд, Франција и Шведска, а во четвртиот: Норвешка, Австрија, Црна Гора и Русија. Рангирањето е направено според пласманот во квалификациите, и од настапите на претходното ЕП и СП. Затоа и Македонија е во третиот барабан, како една од најдобрите репрезентации што се второпласирани.

Според силата на можните противници, веројатно најтешката можна група што не би ни одговарала е Данска, Франција и Норвешка или Русија. А најпосакуваната варијанта сигурно би била Србија, Чешка и Австрија.