Зачленете се во нашиот клуб на читатели и најновите текстови ќе ги добивате на вашата мејл адреса
За спортистите и рекреативците од вчера се отворени тениските игралишта кај спортската сала, откако Советот на Општина Куманово донесе одлука за цената и условите под коишто ќе се користат во оваа година.
За еден час користење на терените од 8 до 16 часот ќе се плаќа 100 денари, од 16 до 20 часот 200 денари, а 20 до 22 часот триста денари.
Советниците прашуваа за начинот на кој се одредува висината на влезниците, и дали има услови за корекција.
Раководителот на Секторот за култура и спорт Цоки Ристевски, кажа дека цените се формирани на најниско можно ниво и достапни се за сите граѓани, при што побара да останат исти како минатата година.
Како еден од проблемите, граѓаните го посочуваат неработењето на терените за време на државните и верските празници, бидејќи тогаш имаат слободно време за рекреација. Ова прашање го актуелизираше советникот од ГРОМ, Зоран Петрушевски.
„Мислам дека не е добро терените да бидат затворени за време на празниците. Што се однесува до цената, мојот предлог е да се намали дури за 50 отсто во текот на денот, а во вечерните часови може и да се зголеми доколку има потреба“, посочи Зоран Петрушевски.
Ристовски вели дека терените не можат да работат за време на празниците, бидејќи тоа ќе предизвика дополнителни трошоци за Општината.
(Д.Давитковски)
Зачленете се во нашиот клуб на читатели и најновите текстови ќе ги добивате на вашата мејл адреса
