По три сезони Мандиќ го напушти Куманово

Тој дојде во Куманово пред три сезони кога тренер на тимот беше Горан Димитријевиќ, а веќе од следната сезона беше носител на екипата која го одигра првото финале во поновата историја на клубот. Во последната сезона беше очигледен неговиот пад во формата, во еден дел од сезоната доби отказ, па повторно беше вратен во тимот по тренерската смена.

Мандиќ покрај добрите игри во дресот на Куманово, ќе биде запаметен и како контроверзен играч кој беше во конфликт со речиси сите тренери на Куманово, и како провокатор кон противничките играчи, посебно кон поранешните соиграчи.