Зачленете се во нашиот клуб на читатели и најновите текстови ќе ги добивате на вашата мејл адреса
Ракометарките на Куманово продолжуваат со добрите игри и борба за што повисока позиција во групата А од женската Супер-лига. Вчера во рамките од 11 коло, тие ја декласираа екипата на Скопје со резултат 41:20.
Алмеида Андреза со 13 гола и Величковска Габриела со 7 гола ја предводеа екипата кон седмата победа оваа сезона. Димитровска Ана Марија, Зечевиќ Сузана, Граматова Пена, Богојеска Сара постигнаа по 4 гола, Цветановска Сара го заврши натпреварот со 3 гола а Пешиќ Мила постигна 2 гола на натпреварот.
Кај голманките Матеа Чурлиновска имаше 5 одбрани а Симона Грујовска беше поуспешна со 7 одбрани.
ЖРК Куманово со 21 бод се наоѓа на третата позиција на табелата. Пред Куманово се екипите на Чаир кој има победа повеќе и Вардар со две победи плус во однос на кумановки.
Екипата на ЖРК Шампион е противник во следното коло на Куманово, а тимот во досегашниот дел од сезоната забележа 4 победи и 6 порази.
Зачленете се во нашиот клуб на читатели и најновите текстови ќе ги добивате на вашата мејл адреса
