Ракометната ЛШ продолжува во февруари

09.01.2014 08:14 | KumanovoNews

По тримесечната пауза која ракометарите ја направија поради настапите на Светското првенство во женска конкуренција и Европскиот шампионат во машка конкуренција, следуваат нови возбудувања во февруари во ракометната Лига на Шампионите.

Во машка конкуренција нашите два претставника Металург и Вардар до крајот на првиот дел од натпреварувањето ќе треба да одиграат уште три средби и имаат шанси да се пласираат во Топ 16 фазата која ќе биде најголемиот успех во историјата на македонскиот ракомет.

Додека во женската конкуренција ќе продолжат натпреварите од четвртфиналните групи каде помеѓу осумте најдобри е и македонскиот првак ЖРК Вардар.