Решавачки натпревари за пласман во ЛШ

Според резултатите постигнати на првите натпревари најмногу возбудувања се очекува да има на мечевите во Варшава, Глазгов и Солун, додека дербито ќе се одигра во Милано.

Легија во Варшава ќе ја пречека Стеауа, во чии редови настапува македонскиот репрезентативец Даниел Георгиевски. Првиот меч помеѓу двата тима, која се одигра во Букурешт заврши без победник (1-1).

Со идентичен резултат реваншот ќе го започнат екипите на ПАОК и Шалке, додека Селтик против казахстанскиот Шахтјор Караганди ќе се обиде да надомести негатива од два гола.

Милан во дербито ќе го пречека ПСВ, по првиот меч во Ајндховен резултатот е 1-1, но во таборот на италијанскиот претставник по поразот во Серија А од Верона, повикуваат на претпазливост.

Во оваа фаза од ЛШ, Македонија има уште еден претставник, тоа е напаѓачот на Марибор, Агим Ибраими, кој со својот тим ќе има тешка задача против Викторија, откако пред една недела во Плзен загуби со 1-3.

Вторник, 27.август:

Арсенал-Фенербахче (прв натпревар 3-0)

Австрија Виена-Динамо Загреб (2-0)

Базел-Лудогорец (4-2)

Легија-Стеауа (1-1)

ПАОК-Шалке (1-1)

Среда, 28.август:

Зенит-Пасош де Фереира (4-1)

Милан-ПСВ (1-1)

Селтик-Шахтјор Караганди (0-2)

Марибор-Викторија Плзен (1-3)

Реал Сосиедад-Лион (2-0).