Зачленете се во нашиот клуб на читатели и најновите текстови ќе ги добивате на вашата мејл адреса
Со триумфот на Вимблдон, Британецот Енди Мареј значително ја намали предноста на Новак Ѓоковиќ на АТП листата, која сега изнесува нешто помалку од 3.000 бодови.
Најголемата промена во однос на претходната листа е падот на Роже Федерер од третата на петтата позиција.
На третото место сега е Давид Ферер, за кога ова е најдобар пласман во кариерата, а од раната елиминација на Швајцарецот профитираше и Рафаел Надал, кој сега е на четвртото место.
Зад најдобрите пет се Томаш Бердих, Хуан Мартин дел Потро, Жо-Вилфред Цонга, Ришар Гаске и Станислас Вавринка.
Кај дамите и понатаму убедливо води Серена Вилијамс со 11.895 бодови, пред Русинката Марија Шарапова со 9.235 и Викторија Азаренка од Белорусија, која има 8.825 бодови.
Зад водечката тројка се уште и Агњешка Радванска, На Ли и Сара Ерани. Победничката на овогодинешното издание на Вимблдон, Марион Бартоли направи скок од осум места и сега е на 7. позиција.
Меѓу првите десет на ВТА листата се уште и Петра Квитова, Анџелик Кербер и Каролин Вознијацки.
Зачленете се во нашиот клуб на читатели и најновите текстови ќе ги добивате на вашата мејл адреса
