Швеѓаните задоволни од бодот, воодушевени од атмосферата

На прес конференцијата по натпреварот еден од селекторите Ола Линдгрен и командантот на одбраната Тобијас Карлсон, не заборавија да ја споменат извонредната атмосфера, која ја направија македонските навивачи во салата „Чаир“.

„Ова беше тешок натпревар, кој се одигра во изворедна атмосфера. Лошо го започнавме, Македонија играше подобро и имаше предност во првиот дел. Во вториот дел заигравме многу подобро, имавме три гола предност и напад, на крај освоивме бод, од кој сме задоволни бидејќи игравме против силен противник“, рече Линдгрен.

„Тежок и специфичен натпревар, со многу исклучувања. Имавме добро враќање во мечот во првото полувреме, имавме и добра можност да победиме на крајот. Морам да кажам дека атмосферата во која се играше натпреварот беше одлична“, кажа на пресот Тобијас Карлсон. (кирилица)