Зачленете се во нашиот клуб на читатели и најновите текстови ќе ги добивате на вашата мејл адреса
Италијанскиот претставник Ломи Салерно ќе биде домаќин и организатор на натпреварите во четвртата група од квалификациите за Лигата на шампионите во која е и македонскиот првак ЖРК Вардар СЦБТ заедно со екипите на Флери Луар (Франција) и Ростов-Дон (Русија).
Европската ракометна федерација официјално ги потврди домаќините на три од четирите квалификациски групи, а се уште се чека одлука за тоа кој ќе биде домаќин на групата 1 (Бјасен Трондхајм, Тертнес Берген, Лајпциг или Минск).
Натпреварите од нашата група ќе се играат во салата „Паласеле“ во Еболи што се наоѓа во близина на Салерно. На 14 септември се полуфиналињата, а на 15 септември е финалето за пласман во ЛШ и мечот за 3.место.
Според распоредот на натпреварите, првото полуфинале во групата е меѓу Ростов-Дон и Флери Луар, а во вториот полуфинален меч ќе играат ЖРК Вардар СЦБТ и домаќинот Ломи Салерно. Термините за натпреварите ќе бидат дополнително одредени од домаќинот на турнирот.
Пласман во Лигата на шампионите обезбедува само првопласираната екипа во групата.
Зачленете се во нашиот клуб на читатели и најновите текстови ќе ги добивате на вашата мејл адреса
