Зачленете се во нашиот клуб на читатели и најновите текстови ќе ги добивате на вашата мејл адреса
Апелациониот суд од Скопје ја укина пресудата на Основниот суд Скопје I Скопје, со која Виктор Божиновски (36), раководител во секторот за правни работи во Општина Куманово, е осуден на 6 месеци затвор за сторено кривично дело посредување за примање награда за противзаконито влијание.
На седницата одржана на 21 јануари, Судот ја прифатил жалбата на Божиновски и предметот го вратил на повторно судење пред првостепениот суд.
Божиновски е осуден на 6 месеци затвор, откако беше уапсен на 26 септември лани, во угостителски објект кај спортската сала во Куманово, додека примал мито заради легализација на дивоградба. Тој пред Судот го негираше обвинението и тврдеше дека станува збор за местенка. Во притвор помина 33 дена, по што беше пуштен да се брани од слобода.
Зачленете се во нашиот клуб на читатели и најновите текстови ќе ги добивате на вашата мејл адреса
