Асфалтирани улиците “Браќа Филиповиќ“ и “Драги Шутевски“

  Градоначалникот Зоран Дамајновски  се пофали дека се намалува бројот на улици со калдрма низ градот.

Во склоп на агендата “Денови на Куманово“ полека, но сигурно ја остваруваме нашата развојна програма. Улицата “Браќа Филиповиќ“ беше со калдрма, и со асфалтатот ја задоволуваме потребата на граѓаните. Оваа улица е долга 160 метри, чини 1.500.000 денари. Изведувач е градежно претпријатие “Козјак“ од Куманово. Улицата “Драги Шутевски“ е долга 180 метри, со потесни димензии и чини 1.400.000 денари, а изведувач е “АГП“ од Свети Николе. Овие денови ќе пуштиме уште осум проекти - изјави Дамјановски.

Тој рече дека до крајот на оваа градежна сезона ќе бидат завршени повеќето инфраструктурни проекти и додаде дека Куманово и понатаму ќе се гради и урбанизира.