Бебето со туберкулоза не било занемарено од родителите, вели Тренчевска

Таа додаде дека ќе ги почекаат извештаите од стручниот тим од Центарот за социјална работа Куманово, кој навреме реагирал и направил увид во документацијата, дали семејството е примател на некакво право и дали се евидентирани кај нив.

„Првично не се работи за занемарување на дете, туку за бебе кое што е родено предвреме и трето дете на мајката и нема никакви индиции дека се работи за некакво занемарување.  Вчера излегол стручниот тим од Центарот за социјални работи во Куманово, меѓутоа родителите не се најдени дома, по телефон се контактирани. Родителите со двете останати деца биле овде во Скопје да направат дополнителни анализи за да видат дали и тие имаат некакво заболување и е договорено денеска во текот на денот стручната служба да направи увид во домот на семејството за да видиме дали и каква се состојбата во домот и врз основа на тој наод ќе ги известиме медиумите за она што е од денес утврдено“, рече министерката.

Деветмесечното бебе пред два дена е сместено на Детската клиника во Скопје, откако прво било донесено  во кумановската болница во тешка задравствена состојба. На бебето и мајката им е дијагностицирана туберкулоза, додека за таткото и за другите деца  нема резултати.