Зачленете се во нашиот клуб на читатели и најновите текстови ќе ги добивате на вашата мејл адреса
Регулаторната комисија за енергетика денес донесе одлука за намалување на малопродажните цени на нафтените деривати во просек за 1,8% во однос на малопродажните цени на нафтените деривати.
Бензините поевтинуваат за половина денар, па така Еуросупер БС-95 ќе чини 67,5 ден./л., а Еуросупер БС-98 69,5 ден./л.
За еден денар поевтинуваат дизелот и екстра лесното масло за домаќинство. Дизелот од полноќ ќе се продава за 60 ден./л, а цената на екстра лесното масло за домаќинствата ќе изнесува 49 денари за литар.
За 1,49 денари поевтинува и малопродажната цена на мазутот кој од утре ќе чини 36,395 денари за килограм.