Бобан Јаќимовиќ претседател на извршниот одбор на ДПСМ

 Јаќимовиќ ja добил довербата на главниот одбор, поради долгогодишната и успешна партиска активност.

 „Ми претставува голема чест и задоволство во наредниот период да сум на чело на ИО. Одборот е составен од 20 членови од сите градови и во оваа прилика сакам да се заблагодарам на претседателот и на сопартијците што ми ја дадоа довербата да бидам дел од највисокото партиско тело, кое ги донесува најзначајните политички одлуки. Во наредниот период претстои темелна реконструкција во сите општински организации. Ќе се направи кадровско освежување се со цел да се даде можност младите да се вклучат во политичките активности“- вели Јаќимовиќ.

Изборите во ограноците ќе се случат во наредните месеци и Јаќимовиќ поради повисоката функција, најверојатно, ќе го отстапи местото во општинската организација Куманово.

Демократската партија на Србите во Македонија вчера прослави 24 години постоење на политичката сцена во Македонија. Иако национална партија, најголем дел од активностите се сконцентрирани и се одвиваат во Куманово. ДПСМ е партија од власта на централно ниво.