Зачленете се во нашиот клуб на читатели и најновите текстови ќе ги добивате на вашата мејл адреса
Вработените во училиштата во рамки на проектот “Безбедни училишта“ кој го спроведува отсекот за превенција при СВР Куманово, ќе ги проверуваат ранците на учениците за да се спречи носење на ладно оружје.
Особено ќе се внимава учениците да не носат со себе ножеви, палки, боксирачи и спрејови.
Доставени се известувања до училиштата, обезбедувањето, стручните служби, наставниците да посветат повеќе внимание и да можат да вршат прегледи на тоа што се носи во училишните ранци, што е законски дозволена можност. Воедно да се посвети повеќе внимание на безбедност на соблекувалните на часови по физичко, оставање ранци во училиште со цел да се намалат кражби на мобилни телефони кои особено во училиштата се зачестена појава - изјави Виолета Богдановска од отсек за превенција при СВР Куманово.
Отсекот за превенција редовно оддржува состаноци со тимовите за безбедност во училиштата при што се дискутира за мирно решавање на конфликтите без употреба на сила.
Зачленете се во нашиот клуб на читатели и најновите текстови ќе ги добивате на вашата мејл адреса
