Бујрум ќе истражува колку се транспарентни општините

- Главна цел на проектот е промовирање и поттикнување на транспарентно и отчетно владеење. Со спроведувањето на овој проект ќе се настојува да се подигне нивото на свесност и специфично знаење на граѓанското општество и да се изградат капацитети за следење на работата на локалните власти со што се очекува поттикнување на натпревар помеѓу општините за добро и транспарентно владеење - велaт од Бујрум.

Истражувањето ќе опфати 43 општини во 8 плански региони во земјава и истото ќе го реализираат 8 невладини организации.

Методологијата на работа е по примерот на загребската невладина “Гонг“ и за наодите од истражувањето ќе биде направена ранг листа и студија.

Овој проект е финансиран од Европската Унија и ќе трае 18 месеци.

 Проектот го спроведува здружението Бујрум во соработка со Центарот за истражување и креирање политики од Скопје преку проектот ЛОТОС. Покрај граѓанскиот сектор во реализација на проектните активности како стратешки партнери се и Државната агенција за спречување на корупција и Министерството за локална самоуправа на Република Македонија.