Ќе се печати книга за средновековните цркви

Се работи за дело кое се темели на неколку годишна научно - истражувачка работа, а книгата изобилува со податоци за сакралните објекти кои датираат од 2 век па се до втората деценија на 20 век, на територијта на Куманово и околината.

Ова е прво дело од ваков тип. Досега имало монографии за повеќе цркви одделно, но во оваа книга сите цркви се собрани на едно место. Некои цркви ќе излезат од анонимност. Пишувам за вкупно 40 сакрални објекти. Мал дел од црквите имаат само темели, разрушени се. Тие можат на прсти да се избројат. Другите се во лоша состојба и им треба конзервација на живописот. Во кумановско има и цркви со муслимански елементи кои се останати од турско време. Тука можам да ги набројам црквите “Свети Ѓорѓи Победоносец“ од Младо Нагоричане, “Свети Ѓорѓи“ од Жегљане, “Свети Никола“ од Стрезовце, “Свети Дух“ од Добрача - вели Крстиќ.

За да ја напише книгата авторката направила теренски истражувања, користела стручна литература, легенди и луѓе информатори. Во својата книга Крстиќ ги споредува македонските со црквите во соседните земји. За црквата Света Троица објаснува дека е изградена во 1902, а осветена во 1903 година. Познати зографиски имиња како Димитар Андонов Папрадишки, Дичо Зограф ги изработувале фреските и иконите во кумановските цркви. Издавањето на “Црковни споменици во кумановско“ е подржано од Министерството за култура.