Ќе се садат рози за Денот на пролетта

Под мотото “Македонија земја на цвеќето, земја на розите“ на 21 март ќе се засадат над 100.000 рози.

Во акцијата треба да се вклучат приватниот сектор, општините, невладините организации и училиштата. При пролетно засадување на цвеќе граѓаните нека изберат рози, да ги засадат во своите дворови и на балкони. Освен што ќе ги украси површините, розата придонесува за почиста средина и тоа го покажа направена студија  - велат од Министерството за животна средина.

Засадувањето на розите ќе придонесе за почиста почва, воздух и подземни води.

Освен во пролет, ваква акција за садење на рози ќе има и на есен.