14. 01. 2021 12:13

Цената на водата ја утврдува регулаторна комисија а не Советот, реагира Општината на обвинувањата на ВМРО-ДПМНЕ

Цената на водата ја утврдува регулаторна комисија а не Советот, реагира Општината на обвинувањата на ВМРО-ДПМНЕ

Цената на водата ја утврдува Регулаторна комисија за енергетика(РКЕ), а Советот на Општина Куманово само ја потврдува.

Доколку Советот не ја потврди, цената ја донесува самата Регулаторна комисија, реагираат од Општина Куманово на вчерашната прес-конфереренција на ВМРО-ДПМНЕ дека заради неодговорност на локалната власт кумановци ќе плаќаат поскапа вода.

  Според надлежните Куманово има најниска цена на вода што се должи на константно намалување на загуби на вода, преземени чекори за модернизирање на процесите на обработка на вода и софистицирана опрема за читање на водомери.

„Градоначалникот е должен да ги почитува и применува одлуките донесени на Советот на Општината, како и законите. Советниците имаат увид во целокупната работа на ЈП Водовод, сите извештаи за работа и сите тековни активности се презентираат на најтранспарентен начин и со максимална одговорност кон потребите на граѓаните на Општина Куманово“, стои во реакцијата.

  Од Општина Куманово соопштуваат дека има обезбедено средства за изградба на канализациона мрежа во Гладно поље во должина од 4,5 км, а ќе продолжи и со други инвестиции заради поквалитетни услуги на граѓаните.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk