Честитка од Сојузот на просветни работници по повод 24 Mај

„На овој ден, со гордост се потсетуваме на епохалното дело на сесловенските просветители, браќата Кирил и Mетодиј, кое има огромно историско, културолошко и просветителско значење во описменување и обединување на словенските и други народи во Европа и Светот. Во деветиот век, преку просветителските мисии и создавање на првата азбука-глаголица, браќа Кирил и Методиј, словенските народи ги внесоа во поцивилизиран културолошки свет во кој се чувствувале порамноправно, при што создавале и се изразувале поавтентично на свој јазик и оставиле траен белег на идните поколенија.

Нивните мисии, проткаени со посветеност, истрајност, хуманост и  трудољубивост, се ѕвезда водилка на просветните работници и ги инспирираат да бидат активни и конструктивни чинители во реформските образовни процеси во нашата држава.

Една од придобивките на солунските браќа Кирили Методиј, вградување на потребата за учење и унапредување на способностите и знаењата и понатаму нека служат како поттик на просветните работници за континуирана надградба на потенцијатите, а во својата дејност, да креираат и пренесуваат апликативни и интегрирани знаења од повеќе научни дисциплини на идните поколенија водени од основните граѓански вредности-еднаквост, инклузивност, мултикултурност и недискриминативност со цел ефективно справување со современите предизвиците во Европа и Светот за подобра иднина на сите.

Ние, просветните работници со својата посветеност и одговорност да бидеме и понатаму, прогресивната сила во унапредување на образовнието бидејќи: „Образованието е најмоќното оружје што можете да го употребите за да го промените светот“ – рекол Нелсон Мандела“, - стои во честитката од Сојузот на просветните работници на Република Северна Македонија.

(Фото: Свеченост организирана од Сојузот на просветни работници по повод прогласувањето на најдобри просветни работници во државата во 2018 година)