Зачленете се во нашиот клуб на читатели и најновите текстови ќе ги добивате на вашата мејл адреса
Четири лица, меѓу кои и малолетник кој управувал автомобил, вчера попладне се повредени во сообраќајна незгода на локалниот пат Куманово-с.Романовце, кај место викано „Мачја глава“.
Сообраќајката се случила во 16.15 часот помеѓу патничко возило „фолксваген поло“, со тетовски регистарски ознаки, управувано од малолетник од Куманово и патничко возило „бмв“, со швајцарска национална ознака, управувано од А.Д.(29) од с.Романовце, кумановско.
Во незгодата со тешки телесни повреди се здобил возачот на возилото „фолксваген поло“ и друг малолетен сопатник во истото возило, додека со телесни повреди се здобиле А.Д. и С.Б.(39) од Куманово, совозач во возилото „бмв“, констатирани во болницата во Куманово.
Увид на местото на незгодата извршиле екипа на СВР Куманово и Јавен обвинител.
Зачленете се во нашиот клуб на читатели и најновите текстови ќе ги добивате на вашата мејл адреса
