13. 02. 2020 16:36

Црвен крст однесе помош на семејството Спасиќ во Ново Село

Црвен крст однесе помош на семејството Спасиќ во Ново Село

Волонтерите од општинската организација на Црвен крст Куманово, денеска однесоа хуманитарна помош во храна, облека, вода, кебиња, обувки, училишен прибор и играчки за децата, на седумчленото семејство Спасиќ во Ново Село, кумановско.

Горан е благодарен на сите хумани луѓе коишто му помагаат, но и на оние коишто му даваат поддршка во овие тешки моменти за него и неговите дечиња.

- Ме прашувате што ми треба?! Сиромаштија голема, се` ми треба. Јас и самиот работам, но тоа не е доволно со оглед на потребите на децата. Ми фали мебел, телевизор, покуќнина, постелнина, кревети за дечињата, но најмногу од се` градежен матерјал за да ја поправам куќата. Сакам децата да имаат посебни соби, затоа што веќе се големи да спијат сите заедно и сакаат да им дојдат другарчиња, - вели Горан.

 Тој додава дека децата денеска најмногу се израдувале на играчките и училишниот прибор, но тој е задоволен од се` што добиле.

 Самохраниот татко се грижи за своите пет дец веќе две години, откако жената му ненадејно починала.  Секое предпладне е на работа, а попладне готви, пере, чисти, за да создаде бар минимални услови за наредниот ден. Додека е тој отсутен за децата се грижи неговиот татко, но и тој има сериозни здравствени проблеми. Повремено му помага неговата сестра и зет, кои живеат во соседното село, а го подржуваат и соседите, но Горан вели дека во куќата намногу фали женска рака, а тој се обидува на децата да им ја надомести и мајчинската љубов.     

Децата се на возраст од три, пет, седум, девет и дванаесет години, а четири од нив одат на училишта.

Сите хумани граѓани којишто сакаат да помогнат можат да го контактираат Горан на тел.072/261-402.

Црвен крст однесе помош на семејството Спасиќ во Ново Село

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk