Дамјановски: Водостопанство ги понижува граѓаните

Тој вели дека проблемот со водоснабдување во Куманово има исклучиво политичка, а не економска позадина, како што тврди раководството на Водостопанство против кое  најави тужби за загрозување на здравјето на луѓето.

Затворањето на водата се случува десетина дена по прогласувањето на мојата победа. Методите кои ги применуваат ги понижуваат граѓаните, бидејќи ги оставија без вода пред празниците и на вакви горештини. Водење на психолошка војна со граѓаните не служи на чест на ниту една политика. Јас ги преземам сите мерки водоснабдувањето да се нормализира, но оваа работа мора да се тера институционално. Затоа денеска ќе поднесам кривични пријави против извршителите на овој акт, а паралено ќе барам помош од надлежните министерства и Владата да не дозволи некој да си игра со судбината на 120 илјади граѓаните на кои трпението им е при крај- изјави Дамјановски.

Тој објаснува дека барањето на Водостопанство цената на водата да се плаќа по 5,2 денари за кубик е неприфатлива и е двојно повисока од претходните години. Тоа за 20 денари по кубик ќе ја зголеми водата за потрошувачите.

Од Министерството за животна средина бараме да изготви тарифник кој беше ветен пред седум месеци, кој ќе ја регулира цената на водата во целата држава, како што е во другите сфери, за електрична енергија. На тој начин ќе сме обврзани да го потпишеме договорот со тарифник и ќе се регулираат односите меѓу двете претпријатија и нема некој по сопствено убедување и потреби да формира цена за продажба на сирова вода.  - вели Дамјановски.

Градоначалникот тврди дека доколку се прифати цената на водата на Водостопанство, Куманово ќе плаќа најскапа вода во државата. Во текот на денот раководствата на двете претпријатија се на состанок за да се договорат за спорните прашања.