Дел од улицата Ленинова да стане двонасочна, побара советникот Јаќимовиќ

Во има на граѓаните на месната заедница Центар, тој пред советниците и градоначалникот објасни дека со новото сообраќајно решение ќе се намалат гужвите во сообраќајот и ќе се олесни комуникацијата на жителите од „Октомвриска револуција“ со централното градско подрчје.

„Дали постои можност да бидат укинати некаде околу 6 паркинг места и од почетокот на улицата „Димитар Влахов“ до почетокот на „Народна револуција“ во должина од дваесетина метри оваа улица да биде двосмерна. Се работи за краток дел кој нема многу да смени, а ќе се намали фрекфенцијата на ул. „Климент Охридски“ која сега е тесно грло во сообраќајот“, кажа Јаќимовиќ.

Градоначалникот Максим Димитриевски, рече дека е запознаен со проблемот и граѓаните веќе побарале од Општината да се реши овој проблем.

Од наша страна поднесена е проектна докумантација за времена измена на сообраќајот до МВР и чекаме одговор. Доколку стигне одговорот и до јули може да се заврши работата“, кажа Димитриевски. 

Одлука треба да ја изгласа Советот на Општина Куманово.

(С.Н.)