Зачленете се во нашиот клуб на читатели и најновите текстови ќе ги добивате на вашата мејл адреса
Во Центарот за култура “Трајко Прокопиев“ почнувајќи од понеделник па се до петок граѓаните ќе можат да гледаат документарни филмови во рамки на “Денови на документарен филм 2013“.
Во понеделник ќе бидат прикажани филмовите “Трагачи по звукот“ на режисерката Сузана Диневски и “Плати и жени“ на Атанас Георгиев. Во вторник ќе се емитуваат филмовите “Волшебниот рид“ на Петар Џуровски и “Шарски зраци“ на режисерот Арбен Тачи. Во среда ќе се прикажуваат “Чедо“ во режија на Аљоша Симјановски и “Корен“ во режија на Ацо Ристовски. Филмовите “Шнајдерки“ на Билјана Гарванлиева и “Нашите во Стамбол“ на Елизабета Конеска ќе бидат емитувани во четврток. “Далеку од дома“ на режисерот Чедо Поповски и “Луѓе без земја“ на режисерот Марко Ѓоковиќ се документарците кои ќе се прикажат во петок.
Според програмата, сите филмови почнуваат во 20 часот, а влезот е бесплатен.
Зачленете се во нашиот клуб на читатели и најновите текстови ќе ги добивате на вашата мејл адреса
