Зачленете се во нашиот клуб на читатели и најновите текстови ќе ги добивате на вашата мејл адреса
Максим Димитриевски, кандидатот за градоначалник на Куманово, додека ја извршува функцијата градоначалник се стекнал со илјадници квадратни метри државно земјиште. Општина Куманово извршила продажба на над 26 хектари атрактивно државно неизградено земјиште на локацијата „Живкова карпа“. Документи од катастарот за недвижнини покажуваат дека Максим Димитриевски купил 9.961 метар квадратен во местото Црвенки државно неизградено земјиште, изјави на прес-конференција Лидија Тасевска, пратеничка на СДСМ.
Таа додаде дека продажбата на ова земјиште по цена од едно евро по метар квадратен ја извршила општина Куманово, што значи дека градоначалникот Димитриевски продавал и градоначалникот Димитриевски го купувал државното земјиште.
„Но тука сомневањата за злоупотреби не завршуваат. Деталниот урбанистички план за оваа локација предвидува урбанизација и нова викенд населба. Па така, земјиштето купено по едно евро за квадрат по урбанизацијата и по делењето на помали парцели, за некое време може да вреди и 50 евра за метар квадратен. Односно за вложени 10.000 евра, да се заработат и 500.000 евра. Премногу детали упатуваат на основано сомневање дека купувањето земиште не е случајно“, вели Тасевска.
Таа ги повикуваме надлежните институции да покренат соодветна постапка и да го истражат овој случај.
Зачленете се во нашиот клуб на читатели и најновите текстови ќе ги добивате на вашата мејл адреса
