Зачленете се во нашиот клуб на читатели и најновите текстови ќе ги добивате на вашата мејл адреса
Владата ги врати спортската сала и Соколана во владение на Општината и обезбеди средства за нејзина реконструкција, кажа носителката на листа на СДСМ и досегашна претседателка на Советот, Атина Мургашанска на денешната прес конференција.
Таа вели дека градоначалникот Димитриевски постојано зборува во прво лице еднина, а заборава дека токму Владата и досегашнот Совет на Општина Куманово беа со него во донесувањето на значајни одлуки за Куманово.
„Тоа што некој се обидува да си ги припише заслугите на Владата на своја сметка е чиста манипулација за кумановската јавност. Пред да се закити некој со заслуга, најпрвин треба да даде образложение и да го покаже својот придонес на дело. Објектот спортска сала e еден од одбележјата на градот, многу добро знаете дека е вратен во владение на Општина Куманово од страна на Владата предводена од СДСМ. Истиот овој објект започна со својата реконструкција.Изминативе денови започна кровната реконструкција за која дел од средставата се обезбедени преку проект на Североисточниот плански регион, а дел преку програмата на Министерството за локална самоуправа и Бирото за регионален развој“, кажа Мургашанска.
Таа ги повика граѓаните да излезат на 31-ви на гласање, но пред тоа да ги погледнат фактите и делата кои зборуваат за заслугите на кадидатите за градоначалник.
Зачленете се во нашиот клуб на читатели и најновите текстови ќе ги добивате на вашата мејл адреса
