Зачленете се во нашиот клуб на читатели и најновите текстови ќе ги добивате на вашата мејл адреса
Со пари од Светската банка, Општина Куманово за потребите на ЈП „Куманово-паркинг“, во септември ќе купи ново пајак возило кое ќе се користи за подигање на непрописно паркираните возила, по улиците и јавните површини во градот.
„Вие како Совет донесовте одлука за купување на новото пајак возило. Што значи дека до крајот на годината ќе ни биде на располагање ново пајак возило“, рече директорот Фадиљ Шабани на вчерашната седница.
Во моментот пајак службата на ЈП „Куманово-паркинг“, работи со возило кое е подарок од Општина Центар. Предходно претпријатието имаше возило од 1986 година, па откако се расипа и не можеше да се поправи, а претпријатието и Општината немаа пари сами да купат друго побараа донација.
Со цел да го подобри работењето на јавните претпријатија Општина Куманово ќе подигне кредит во висина околу 1 милион евра кај Светската банка за обнова и развој. Со средствата од овој проект ќе се набави опрема и механизација за претпријатијата. Кредитот е со каматна стапка од 1 отсто, враќањето е на 13 години, со грејс период од 3 години.
(С.Н.)
Зачленете се во нашиот клуб на читатели и најновите текстови ќе ги добивате на вашата мејл адреса
