Додека кризата вришти, проектите ќе ќутат

 Како пример го посочија одложувањето на изградбата на новата општинска зграда и подземната гаража, како и реконструкција на Занатскиот дом.

Градоначалникот и локалната администрација прават нереален Буџет,а со тоа и нереални ветувања во оставарување на програмите. Наголем дел од тие програми се нереализирани, бидејќи се нереални. Нашата забелешка е дека и мината година имавме нереални програми и Буџет, кои во оваа година се трансферираа, а сега ќе се пренесат и на наредната година. Имаме многу ветувања, а малку реализација. Се одложува изградба на нови улици, Општинската зграда, подземната улица и гаража во центарот на градот и реконструкција на Занатскиот дом. Овие проекти се од особено значење за граѓаните за да се подобри сообраќајниот хаос во градот- вели советникот Стефан Трајановски од ВМРО-ДПМНЕ.

Градоначалникот ги отфрла обвинувањата и смета дека состојбата се политизира, без вистински аргументи. Тој тврди дека дел од посочените проекти ќе се реализираат наскоро, а нивната динамика ќе зависи и од подршката на државата.

Економската состојба, кризата и незапосленоста е она што го следи овој град во последните 10 години, а особено последните 6 години економската криза вришти на секое ниво. Поради тоа и доцни реализацијата на проектите. Изградбата на општинска зграда е главен проект на локалната самоуправа, но за негова реализација е потребно време. Прво треба да ја дооформиме парцелата каде што ќе се гради, а имаме доста отпор, а потоа мора да добиеме кредит од министерството за финансии. Сите процеси зависат и од Владата, но ние ќе направиме се во овој мандат да го отпочнеме проектот.Во однос на подземната катна гаража, зонското паркирање покажа дека имаме доволно паркинг места во централното подрачје, а во состав на општинската зграда ќе иаме уште нови 600 паркинг места.Затоа нејзината реализација ќе почека подобри времиња- вели градоначалникот Дамјановски.

Општината нема капацитет сама да ги гради овие капитални инвестици, а излезот го гледа и во јавно-приватно партнерство.