Две претстави за месецот на франкофонија

Првата е “Различното, не е погрешно“ и е работена по текст на ученичката Ана Младеновска, а втората е “Средба на маски“ работена по текст на Џими Дусе.

“И двете претстави траат до 15 минути. Со нив ќе се натпреваруваме на 24 март во Скопје, во Младинскиот културен центар. Првата драма зборува за три лика кои иако се поразлични од нас, сепак не прават ништо погрешно. Втората претстава е комедија, каде што ликовите ќе бидат претворени во ликови со маски“ - вели Милена Денчевска, одговорна за билингвалните паралелки во “Гоце Делчев“.

На 21 март десетина ученици ќе учествуваат на маратон на франкофонија во Скопје и ќе трчаат 4 км од Паркот на франкофонијата до Скопје сити мол. На 28 март во Гимназијата ќе има тестирање за француска олимпијада. а најдобрите тројца ќе одат на републички натпревар.