Зачленете се во нашиот клуб на читатели и најновите текстови ќе ги добивате на вашата мејл адреса
Според МВР, сообраќајката се случила вчера околу 13.30 часот во близина на слаткарницата „Јулија“, на бул.„Трета македонска ударна бригада“, кога автомобил удрил во паркирано возило и тројца луѓе додека влегувале во колата.
„Патничко возило „форд фиеста“, со кумановски регистарски ознаки, управувано од М.П.(70) од Куманово, удрило во паркирано патничко возило „сеат толедо“, со кумановски регистарски ознаки и во Т.М.(34), А.Љ.(50) и А.Х.(48), сите од Куманово“, кои влегувале во возилото, информира МВР.
Со возило на Итна помош повредените биле пренесени во Општата болница Куманово, каде А.Х.(48) им подлегнал на повредите, а на Т.М. и А.Љ. им биле констатирани телесни повреди. Телото на починатиот е предадено на обдукција.
Извршен е увид на местото на незгодата од Јавен обвинител и увидна екипа од СВР Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
