Зачленете се во нашиот клуб на читатели и најновите текстови ќе ги добивате на вашата мејл адреса
Едно лице им подлегнало на повредите кои ги задобило во сообраќајна несреќа на регионалниот пат Куманово - Свети Николе во населбата Доброшане. Сообраќајката се случила синоќа по 20 часот, а интервенирала и Противпожарната служба, стои во дневниот извештај на Регионалниот центар за управување со кризи.
„Територијалната противпожарна едница имала техничка интервенција во с. Добрашане на тешка сообраќајна несреќа на судир помеѓу патничко возило и автобус, каде едно лице им подлегна на повредите и го загуби животот. Интервенирано е во временски период од 20,55 до 21,20 часот со 1 ПП возило и 4 пожарникари“, стои во соопштението.
И од Итната медицинска помош Куманово потврдиле дека во 20,40 часот интервенирале на тешка сообраќајна несреќа во с. Добрашане каде едно лице го загубило животот.
Пожарникарите во текот на вчерашниот ден околу пладне на ул. Доне Божинов бр. 48, гаснеле опожарена семејна куќа. Во пожарот изгореле три врaти, фасада на објектот како и клима уред. Причинета е поголема материјална штета, чија висина допрва ќе се утврдува. Причината за пожарот не е позната.
Интервенција на Противпожарната служба имало и на запалена сува трева во атарот на с. Речица во период од 16,40 до 19,45 часот.
Зачленете се во нашиот клуб на читатели и најновите текстови ќе ги добивате на вашата мејл адреса
