Фатени дилери на дрога

Врз основа на судска наредба вчера при претрес во домот на Д.С.(36) пронајдени се пет паковки хероин, три таблети екстази, една паковка марихуана и кеси со остатоци од марихуана. Според сознанијата на полицијата Д.С. дрогата за продажба ја земал од М.Т.(20).

Двајцата ќе одговараат за “недозволено производство и пуштање во промет на наркотични дроги, психотропни супстанции и прекурсори“. Сторителите и претходно вршеле дела од областа на недозволена трговија со дрога, а против Д.С се поднесувани кривични пријави за разбојништво и кражби.