Фудбалери се степале на натпревар па нападнале полицаец

Инцидентот се случил во саботата попладне на фудбалски натпревар помеѓу ФК „Башкими“ и ФК„Карпош“ на игралиште во селото Шупли Камен. Кога фудбалерите почнале физички да се пресметуваат на терен излегол полициски службеник за да воспостави ред. Тогаш неколку лица го нападнале и го фатиле за вратот, па почнале да го влечат за униформата. При тоа нанеле телесни повреди.  За да ја спречи тепачката полицаецот во воздух испукал три куршуми од службениот пиштол, по што напаѓачите се разбегале. Во СВР-Куманово сам се пријавил Д.Х.(23) од Куманово, кој бил учесник во нарушувањето. Се преземаат мерки за расчистување на случајот.