Зачленете се во нашиот клуб на читатели и најновите текстови ќе ги добивате на вашата мејл адреса
Заштитата на животната средина ќе биде приоритет и во следниот мандат на Општина Куманово предводена од нашата граѓанска иницијатива „За наше Куманово, најави Ивана Ѓорѓиевска, носителка на независната листа на кандидати за советници.
„Граѓаните сакаат да живеат во чиста, зелена и уредена општина. Животната средина не спојува сите нас. Заедно го дишиме истиот воздух, живееме и растеме под истото сонце. Животната средина е нашето наследство, иднина и затоа треба заеднички да ја заштитиме. Имаме план и визија, уверени сме дека ќе придонесеме кон заштита на животната средина“, изјави Ѓорѓиевска, на денешната прес конференција во стариот градски парк.
Таа најави дека ќе продолжи ширењето на гасификациона мрежа во сите јавни објекти и во индустриските зони, а ќе се намали цената за приклучок на гас. Истовремено ќе работат на решавање на проблемот со депонијата Краста, ќе изградат и три нови паркови во село Проевце, населбата „Тоде Мендол“ и во „Гоце Делчев“ , а ќе го реконструираат стариот градски парк. Во програмата на Ѓорѓиевска е и уредување на речно корито на реките Липковка и Кумановка.
Ѓорѓиевска ги повика граѓаните да гласаат за бројот 80 за независниот кандидат за градоначалник Максим Димитриевски и број 61 за нејзината независна советничка листа.
Ивана Алексовска
Зачленете се во нашиот клуб на читатели и најновите текстови ќе ги добивате на вашата мејл адреса
