Зачленете се во нашиот клуб на читатели и најновите текстови ќе ги добивате на вашата мејл адреса
Пожарникарите на Старо Нагоричане се обидуваат да воспостават контрола над огнот кој денеска во попладневните часови избувна во атарот на селата Руѓинце и Бељаковце.
Навремената интервенција го спречи загрозувањето на селото Руѓинце. Но, и покрај напорите на екипите на Територијалната противпожарна единица пожарот и понатаму се шири, па можеби ќе биде потребна и воздушна подршка.
„Бидејќи е веќе доцна за полетување на воздухоплови, дадени се насоки да се побара засилување и во текот на ноќта да се обезбеди селото Бељаковце кон кое се движи еден крак од пожарот. Пожарникарите од Старо Нагоричане, Куманово и Кратово ќе дежураат во близина на ова село“, изјави Стојанче Ангелов,директор на ЦУК.
Според ситуацијата на терен во текот на ноќта ќе биде донесена одлука дали, кога и кои воздухоплови ќе бидат употребени за гаснење на овој пожар.
Пожарот избувнал денес,некаде во 15.30 часот на територијата на Општина Старо Нагоричане.
Зачленете се во нашиот клуб на читатели и најновите текстови ќе ги добивате на вашата мејл адреса
