Зачленете се во нашиот клуб на читатели и најновите текстови ќе ги добивате на вашата мејл адреса
Градоначалникот на Куманово Зоран Дамјановски, вчера им се извини на вработените во ЈП „Водовод„, поради тоа што локалната власт не дозволила во изминатите три години да се воведе нова комунална услуга за пречистување на отпадните води, па претпријатието се нашло во тешка финансиска состојба.
Јас во мое име, како политичар, се извинувам на овие луѓе за претрпените штети во изминатите неколку години, бидејќи поради политиката што ја водевме трпеше личниот стандард на сите работници. За да ги заштитиме граѓаните од уште поголемо социјално пропаѓање, благодарение на 8 годишното владеење на оваа влада, ние не ја наплаќавме вистинската цена на нашиот производ, иако ставката за пречистување на орпадната вода е законска обврска на ова претпријатие. Меѓутоа од денеска започнува нова ера, во која јавното претпријатие ќе си го завземе местото што го заслужува- рече Дамјановски пред вработените во „Водовод„, на пуштањето на новата гасна топлана.
При тоа не пропушти да ги нападне политичките опоненти од ВМРО-ДПМНЕ, за кои смета дека неосновано ја критикуваат работата на локалната администрација, а ништо не преземаат да помогнат во развојот на градот.
Зачленете се во нашиот клуб на читатели и најновите текстови ќе ги добивате на вашата мејл адреса
