Идентификувани се речиси сите инволвирани во нападот кај „Орта бунар“, соопшти ОЈО

„Речиси сите лица од објавената видео снимка се веќе идентификувани и се преземаат дејствија за утврдување на причините и мотивите за инцидентот. Се врши распит и на учесниците и на други лица кои би можеле да имаат одредени сознанија. По целосно утврдување на фактите, Основното јавно обвинителство Куманово ќе донесе одлука за понатамошниот тек на постапката за што јавноста веднаш ќе биде информирана“, соопштува Обвинителството.

Б.Ш. (20) од Куманово пријавил дека минатата ноќ околу 01.20 часот на улица „Карл Маркс“ во Куманово, додека бил во неговото возило „фолксваген голф“, неколку лица со тврди предмети му го оштетиле возилото.

Во јавноста се појави видео снимка на која се гледа како десетина лица трчаат по улицата кај м.в. „Орта бунар“ каде што се случил нападот.