Инфлацијата во октомври достигна 15,4 отсто

Според податоците на ДЗС, во октомври најмногу поскапеле свежиот и разладениот зеленчук, освен компирите и другите коренести плодови и тоа за 7,3%, млекото за 5,9%, сирењето и урдата за 5,7% и месото за 3,6%, прехранбените производи за 3,2 %, рибата и морските плодови за 2.8 %, лебот и житата за 1.8 %, кафето, чајот, какаото за 1.4 %, шеќерот, џемот, медот, чоколадата и кондиторските производи за 1.1 %, виното за 0.9 %, минералната вода, газираните пијалаци, соковите од овошје и зеленчук за 0.5 %, пивото за 0.4 % и жестоките пијалаци за 0.3 %,споредено со септември.

Во октомври, исто така, пораст на индексите на трошоците на животот е забележан и кај другите медицински производи за 4.6 %, другите услуги за опремата за сопствен превоз за 3.7 %, цврстите горива за домаќинствата за 3.4 %, парамедицинските услуги за 1.8 %, гасот за домаќинствата, и др.

Намалување на цените во однос на септември имало кај свежото и разладеното овошје за 3,6% и маслото и маснотиите за 0,8%.

Поголемо намалување на цените е забележано кај услугите за сместување за 12,4% и туристичките аранжмани за 10,4%.

Во септември, инфлацијата беше 14,7 отсто, додека во август беше 14,2 отсто, што претходно беа рекордни бројки.