Исчезна уште едно дете

  Го побарала кај комшиите, а кога потрагата била безуспешна, случајот го пријавиле во полиција.

Се сомневаме дека детето е грабнато, бидејќи вчера е забележан црн џип со бугарски таблички како се движи во населбата. Жителите на Бавчи и порано го видувале тоа возило како се вртка наоколу и сигурно некој планирано дошол да ни го украде детето. Поради тоа бараме полицијата да ги затвори границите да не се изнесе детето во странство - велат роднините.

Петгодишното девојче има пречки во развојот и родителите го оставиле кај бабата, бидејќи отишле во болница, поради тоа што мајка му е во деветиот месец од бременоста. Кога се вратиле дома разбрале за страшната вест. Семејството е незадоволно од односот на полицијата и обвинува дека цела ноќ со жителите на Бавчи и Средорек  сами го барале детето без полициска придружба. Тие апелираат до сите граѓани кои ќе го видат малото девојче да им помогнат и да пријават во полиција.

За само петнаесетина дена ова е втор случај да исчезне дете во кумановските ромски населби. Дани Мемеди(4,5) сеуште не е пронајден, семејството се сомневаше дека се удавил во надојдените води на реката Кумановка, но сега не се сигурни дека е така.