Зачленете се во нашиот клуб на читатели и најновите текстови ќе ги добивате на вашата мејл адреса
Новиот претседател на СДСМ Куманово, Александар Тушевски вечерва на Изборна конференција ќе ги претстави своите соработници, кои ќе бидат дел од раководните тела на општинската организација во наредните 4 години.
Според партиски извори, новиот состав на Извршниот и Надзорниот одбор, ќе го сочинуваат главно нови и млади луѓе, но и докажани партиски борци, професиналци, општествено препознаени, кои биле маргинализирани во изминатиот период.
Меѓу новите лица има доктор, архитект, адвокат, психолог, правници, професори, економисти и др.
Извршниот одбор брои 19 членови и Надзорниот одбор 5, а комплетниот состав ќе се знае откако ќе биде изгласана нивната доверба на Изборната конференција.
На седницата најавено е присустство на министерот за внатрешни работи Оливер Спасовски и министерката за култура Бисера Костадиновска, пратениците Мартин Костовски и Лидија Тасевска.
Лидер на СДСМ во Куманово, Александар Тушевски вечерва ќе одржи состанок ос ИО на кој ќе го предложи и својот избор за секретар на партијата. За оваа функција за првпат во историјата на организацијата ќе биде избрана жена.
Зачленете се во нашиот клуб на читатели и најновите текстови ќе ги добивате на вашата мејл адреса
