Зачленете се во нашиот клуб на читатели и најновите текстови ќе ги добивате на вашата мејл адреса
Советничката Ивана Николиќ е избрана на регионална координаторка на Форумот на жени во Изборна единица два, додека раководителката во УЈП Јасмина Георгиевска е претседателка на Форумот на жени на СДСМ Куманово.
„Форумот на жени на СДСМ, Куманово продолжува силно и рамноправно заедно со нашите партиски другари во креирање на родови политики и еднакви можности на мажите и жените. Одиме заедно, силно и гордо!“, напиша Георгиевска.
Истовремено се избрани и претседателки на жените на СДСМ во Старо Нагоричане, Емилија Марковиќ и на Липково, Ариета Мухтари Бајрами.
„Жените социјалдемократки се авангардата на женското движење во државата и регионот во сите сфери на унапредување на положбата на жените и еднаквите можности за сите. Рамноправно со нашите партиски другари, продолжуваме сите заедно во нови дострели и нови победи“, објави поранешната претседателка и координаторка на Форумот на жени, Атина Мургашанска.
Николиќ доаѓа на местото на регионалната координаторка Атина Мургашанска, а Георгиевска наместо Соња Тодоровска, која сега е член на ЦО.
Зачленете се во нашиот клуб на читатели и најновите текстови ќе ги добивате на вашата мејл адреса
