Зачленете се во нашиот клуб на читатели и најновите текстови ќе ги добивате на вашата мејл адреса
Пожарот, кој вчера избувнал во атарот на селото Матејче, во близина на манастирот „Пресвета Богородица“, целосно е изгаснат. Пожарот бил пријавен во 15.40 часот, по што екипи на противпожарната единица Куманово излегле на терен.
„Опожарена е сува трева со поголема површина - под Матејачкиот манастир. Пожарот е локализиран околу 18 часот кога почна да врне дожд и екипите се повлекоа од терен. Во раните утрински часови ќе направат контрола на опожарената површина, во случај на повторно активирање на пожарот соодветно ќе се делува“, соопштуваат од Територијалната противпожарна единица Куманово.
Во гаснење на пожарот учествувале и вработени во Шумско стопанство.
Вториот пожар е на сува трева во атарот на с. Тромеѓа, во периодот од 19,35 до 21,15 часот, причина – непозната.
Од Територијалната противпожарна единица Куманово, велат дека пожарите намерно се подметнуваат.
Во македонскиот законик, „предизвикување шумски пожар“ е кривично дело против животната средина и природата и предвидена е казна затвор од 8 години.
(С.Н.)
Зачленете се во нашиот клуб на читатели и најновите текстови ќе ги добивате на вашата мејл адреса
