Изложба на Јана Јакимовска во Куманово

20.01.2021 - 11:38

Во Изложбениот салон на НУЦК “Трајко Прокопиев“ - во Куманово, утре во 12 часот ќе се отвори изложбата на небесни пејзажи со наслов „Небо“ на ликовната уметница Јана Јакимовска.

Изложба на Јана Јакимовска во Куманово

На изложбата ќе бидат претставени 20 дела во техниката акрил на платно работени во последните 3 години.

Во текстот за изложбата, историчарката на уметност Ана Франговска ќе рече: „Најновиот циклус дела на Јакимовска се пејзажи кои во класификацијата на пејзажното сликарство може да се окарактеризираат како небесни пејзажи бидејќи на нив две третини од композициската целост е посветена на небесните предели... Јана Јакимовска со своите дела ни нуди ,прозорец’ за бегство од реалноста во која живееме, нè носи во една поубава, посветла, похумана реалност, која во вонредни услови има покрај своја егзалтирачка природа и концептуална димензија - да делува психо-терапевтски на конзументот на нејзините дела.“

Јана Јакимовска е вонреден професор на Ликовната академија на Универзитетот Гоце Делчев во Штип. До сега има реализирано 18 самостојни и преку 80 групни изложби во земјата и во странство, а во последно време се занимава со мурално сликарство.


2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk