Зачленете се во нашиот клуб на читатели и најновите текстови ќе ги добивате на вашата мејл адреса
Во Уметничката галерија во Куманово, утре во 19.30 часот ќе биде отворена изложбата „Кумановски ликовни уметници 2022“.
Изложбата има традиционален карактер и секоја година се организира по повод 11 Ноември – Денот на ослободување на Куманово.
Оваа година на изложбата учествува 21 ликовен уметник од градот, со слики изработени во најразлични ликовни техники, графики и просторни инсталации.
На изложбата учестваат: Александар Симоновиќ, Мирослава Цветковиќ, Страхил Петровски, Марина Цветановска Мартиновска, Александар Величковски, Зоран Јакимовски, Стефан Анчевски, Марија Величковска, Гоце Божурски, Ана Јовановска, Мухамет Идризи, Деа Салихи, Валентина Илијевска, Дејвид Стоилковски, Дарко Трајковски, Акиме Насуфи Реџепи, Стефан Јакимовски, Симона Јакимовска, Игор Андреиќ, Трајан Трајковски и Мирослав Величковски.
Изложбата ќе биде поставена до 22 ноември.
Изложбата е дел од програмските активности на НУ Музеј – Куманово, под покровителство на Министерството за култура и Општина Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
