Зачленете се во нашиот клуб на читатели и најновите текстови ќе ги добивате на вашата мејл адреса
Под мотото „Заедно заштитени – вакцините делуваат“ денеска од Куманово започнува Караванот за информирање и вакцинација кој го организира Министерството за здравство.
Караванот ќе биде на градскиот плоштад во Куманово во период од 10 до 12 часот, од 12.30 до 14.30 часот во училишниот двор на селото Черкези и од 15 до 17 часот пред зградата на Општина Старо Нагоричане.
Граѓаните ќе можат да се информираат за вакцинацијата, но и да се вакцинираат на лице место.
За време на настаните ќе има на располагање и услуги за мерење крвен притисок, организирани во соработка со Црвен Крст на Република Северна Македонија.
„Караванот ќе пренесува до локалните заедници информации за редовните вакцини за деца, за вакцините против сезонски грип и за вакцините против ковид-19 и ќе овозможи вакцинација против ковид-19 на лице место“, информираат од Министертсвото за здравство.
Караванот го спроведува Министерството за здравство со поддршка од Агенцијата на САД за меѓународен развој (УСАИД), Фондот за деца при Обединетите нации (УНИЦЕФ) и Светската здравствена организација (СЗО).
Предвидено е да посети 24 локации во земјата.
Зачленете се во нашиот клуб на читатели и најновите текстови ќе ги добивате на вашата мејл адреса
