Конкурс за избор на најеколошка општина за 2020 година

Право на учество во конкурсот за најеколошка општина имаат сите општини во земјава (урбани и рурални) кои ќе ја приложат еколошко-општествена работа реализирана во текот на изминатата 2020 година.

Општините што сакаат да ја понесат титулата Најеколошка општина можат да се пријават со пополнување на апликацијата која e објавена на веб-страницата на Пакомак www.pakomak.mk.

Финалниот избор за најеколошка општина ќе биде направен според успешноста во реализацијата на претходно одредените три критериуми кои ги пропиша Пакомак.

Првиот критериум е количини на собран селектиран отпад од пакување, од домаќинствата, деловните субјекти и училиштата. Се зема во предвид секој отпад што претставува секундарна суровина (пластика, хартија, стакло, лименки, метал, електронски и електричен отпад….), број на нови контејнери за селекција на отпад поставени на јавните површини во општината одделно за период 01-12.2020 година и дополнително број на контејнери за селекција на отпад поставени на јавните површини пред овој период, како и број на еко-кафулиња и ресторани во општината кои селектираат стаклена амбалажа како отпад од пакување и количините на собрана стаклена амбалажа како отпад од пакување од истите објекти.

Во вториот критериум спаѓаат и висината на средства во општинскиот буџет, предвидени за екологија за 2020. и висината на средства потрошени на проекти од животна средина од општинскиот буџет, реализираните еколошки проекти во тековната година поврзани со отпадот и неговиот третман во вашата општина, во сите други области, заштита на водите, воздухот и почвата, број на новозасадени дрвја во општината, уредени зелени површини во општината.

Третиот критериум се јавните кампањи кои ги спроведува општината за зајакнување на јавната свест за значењето на селекцијата на отпадот и други прашања од заштитата на животната средина, еколошките акции за чистење на диви депонии во општината во тековната година, како и редовните инспекциски контроли и исполнување на потребните  услови за работа на големите загадувачи на територијата на општината, се исто така во критериумите за избор.

Општината која по гласањето на жири-комисијата ќе биде избрана за Најеколошка општина за 2020 година, Пакомак ќе ја награди со изградба на детско игралиште направено од еколошки материјали.

Рокот за испраќање на пријава за учество е до 31 август 2021. Пријавата треба да се достави во електронска форма на е-адреса: [email protected].