Зачленете се во нашиот клуб на читатели и најновите текстови ќе ги добивате на вашата мејл адреса
Општина Крива Паланка и Општинската организација на Црвен крст на пригоден начин го одбележаа Светскиот ден на волонтерството - 5 декември.
На свеченоста беа доделени признанија за волонтери на 2020 година, како и благодарници за донаторите-поддржувачи од бизнис секторот.
-Им се поклонувам на сите волонтери, кои без никаков надоместок и во секое време беа на располагање и несебично учествуваа во доброволната работа. Особено изразувам благодарност на волонтерите на Црвениот крст, здравствените работници и сите поединци и деловни субјекти кои се вклучија во борбата со КОВИД 19. Тие се бесценети личности, исклучителни за секоја заедница, - истакна градоначалникот Борјанчо Мицевски.
Од името на Општината признанија и благодарници им беа доделени на 7 деловни субјекти, како и на повеќе волонтери од Црвен крст Крива Паланка, противпожарна единица и Центарот за јавно здравје. Подрчната единица на Државниот здравствен и санитарен инспекторат, пак, покрај признанието, го доби и преодниот пехар на ООЦК Крива Паланка за особени постигнувања и пожртвуваност во справувањето на последиците од ковид кризата.
Преодниот пехар беше предаден од страна на општина Крива Паланка, која го имаше изминатата година во знак на бројните иницијативи и поддршката на волонтерството.
(Ж.Ц.)