Зачленете се во нашиот клуб на читатели и најновите текстови ќе ги добивате на вашата мејл адреса
Буџетот на Крива Паланка за 2021 година изнесува 421.051.329 денари.
Основниот буџет е 176.319.992 денари, буџетот на дотации 196.181.000 денари, самофинансирачките активности 4.290.000 денари, блок дотациите 196.181.000 денари, донациите се проектирани на 18.260.337 денари, а буџетот на кредити 26.000.000 денари.
Од Општината посочуваат дека буџетот е реален, а истиот презема и обврски (долгови) од предходните години.
Најголем дел од приходите се очекува да бидат остварени од трансфери и донации (68,45%), од кои најмногу се трансфери од други нивоа на власт. Останатите се од даночни и неданочни приходи, капитални приходи и домашно задолжување.
Најмногу расходи се предвидени за образованието (42,78%), потоа за изградба и одржување на комуналната инфраструктура (31,06%), општи јавни служби (14,51%), социјална заштита (97,98%) итн.
Капиталните инвестиции изнесуваат 86.800.000 денари, а најголем дел од нив се предвидени за програмите за изградба и одржување на локални патишта и улици и за изградба на канализациски мрежи.
Буџетот е креиран според начелата на економичност и рационалност во трошењето на буџетските средства. Изготвен е врз основа на дефинирани програми, транспарентно планирање, дисциплинирано трошење и ригорозна контрола на непродуктивните расходи, без да се наруши нормалното функционирање на буџетските институции.
(Ж.Ц.)