Кумановци го слават 1-ви Мај

Кумановци денеска го слават Денот на Трудот. Градот е скоро празен, граѓаните, а пред се помладите празникот го слават во природа во друштво, додека повозрасните во кругот на семејство задолжително со празничена трпеза.

Во дворот ќе подготвиме скара и заедно со пријателите и родните ќе го одбележиме празникот, додека синовите со ќе одат со друштво во Пленице покрај Пчиња. Први мај некако како да го изгуби значењето, најголем дел се невработени, а оние мал е дел на работниците што се задоволни во денешно време. Празникот асоцира на пикник со скара, но и за тоа се потреби пари – велат граѓаните.

Добар дел од кумановците за првомајските и велигденските празници се надвор од Македонија. Поволните туристички аранжмани со ефтини авионски летови го зголеми интересот кај граѓаните за патување во странство.

-Најголем дел од граѓаните ќе патуваат во соседството, што е логично поради географската близина. Но интересно е тоа што во последниве две три години имаме интерес, за посета на Париз, Милано , Будимпешта , Прага.Аранжманите се поволни и задоволни сме од бројката на продадените резервации за патување во европските држави -велат од туристичките агенции.

За време на празниците во нашата држава и на граѓанаите на Куманово најомилена дестинација им е Охрид , а има интерес и за Берово и Маврово, додават од агенциите.